ქეუ მეფარიშვილი: მკურნალი

თბილისის საჯარო ხელოვნების ფონდი მოხარულია წარმოგიდგინოთ ქეუ მეფარიშვილის ნამუშევარი „მკურნალი“, რომელიც 2026 წლის საპროექტო განაცხადებიდან ერთ-ერთი გამარჯვებულია.

ხელოვანი წარმოგვიდგენს ნამუშევარს, რომელიც მეტალის ზედაპირზე ჭედური ტექნიკით შესრულებული მონუმენტური კომპოზიციაა და ის თბილისის ერთ-ერთ საჯარო სივრცეში - შემოდგომაზე გამოიფინება. 

ქეუ მეფარიშვილი მულტიმედია არტისტია, რომელიც ცხოვრობს და მუშაობს თბილისში. იგი სწავლობდა შოთა რუსთაველის სახელობის თეატრისა და კინოს სახელმწიფო უნივერსიტეტში, მოგვიანებით კი თანამედროვე ხელოვნების ცენტრში (CCA). მისი შემოქმედებითი პრაქტიკის მნიშვნელოვანი ნაწილია ტრადიციულისა და თანამედროვე ყოფიერების დიალოგში მოყვანა და ერთგვარი კონსერვაცია თუ გაგრძელება. იგი იკვლევს მითოლოგიას, ადამიანის ბუნებასა და კოლექტიურ მეხსიერებას, აერთიანებს პირად გამოცდილებასა და საზოგადოებრივ თემებს.

მისი ნამუშევრები წარმოდგენილი იყო საერთაშორისო გამოფენებზე საქართველოში, ბელგიაში, საფრანგეთში, ავსტრიასა და იტალიაში, მათ შორის: Shrine of the Stray (ჩიტერნა, 2025), Grey is the Cube, Blue the Ellipse (ამიენი, 2025), Chimeras Memorial (თბილისი, 2024), Delving into Bones Liquor (ანტვერპენი, 2023), If Words Became Violent (ვენა, 2019) და სხვა.