გუნდი

ლიკა ჭკუასელი | დირექტორი

ლიკა ჭკუასელი თანამედროვე ხელოვნების სპეციალისტი და კონსულტანტია.

მაგისტრის ხარისხი ლონდონში, City University-ში მიიღო (კულტურის პოლიტიკა და მენეჯმენტი, 2008–2009).

2010–2012 წლებში სტაჟირების პროგრამა ნიუ იორკში, მეტროპოლიტენ მუზეუმში გაიარა.

2012 წელს თბილისის სახელმწიფო სამხატვრო აკადემიის მუზეუმის დირექტორად დაინიშნა.

2013–2015 წლებში სტამბოლის არტ ბაზრობის საერთაშორისო ურთიერთობების განყოფილებას ხელმძღვანელობდა.

2019 წელს მუშაობდა თბილისის სახელოვნებო ბაზრობაზე, საერთაშორისო გალერეებსა და კოლექციონერებთან ურთიერთობის მიმართულებით.

2015 წლიდან ლიკა ჭკუასელი აქტიურად საქმიანობს როგორც არტ კონსულტანტი. მისი ხელმძღვანელობით არაერთი მნიშვნელოვანი კერძო კოლექცია შეიქმნა.

2022 წელს, ლიკა ჭკუასელის კურატორობით, დიმიტრი შევარდნაძის სახელობის ეროვნულ გალერეაში, გამოფენა – „ქართული ხელოვნება XX საუკუნიდან დღემდე: ნამუშევრები კერძო კოლექციებიდან“ მოეწყო.

ელენე კაპანაძე | პროექტების მენეჯერი

ელენე კაპანაძე ახალგაზრდა კურატორი და ხელოვნების მენეჯერია.

ხელოვნების ისტორიისა და მატერიალური მეცნიერებების ფაკულტეტი University College London-ში დაამთავრა (2010–2013) და მას შემდეგ აქტიურად საქმიანობს სახელოვნებო სფეროში.   

2014 წელს, სამუშაო გამოცდილება ლონდონში, აუქციონის სახლ Sotheby’s-ში და თანამედროვე ხელოვნების გალერეა Frith Street Gallery-ში მიიღო.

2015–2016 წლებში ბაქოში, Yarat Contemporary Art Centre-ში, ასისტენტ-კურატორად მუშაობდა.

2017 წელს, თბილისში დაბრუნების შემდეგ, ქართული წიგნის ეროვნულ ცენტრში,  საქართველოს – ფრანკფურტის წიგნის ბაზრობის საპატიო სტუმარი ქვეყნის კულტურული პროგრამის მომზადებაში იყო ჩართული.  

როგორც დამოუკიდებელი კურატორი თანამშრომლობდა სხვადასხვა ინსტიტუციასთან, მათ შორის თბილისის ფოტოგრაფიისა და მულტიმედია მუზეუმთან, ონლაინ რეზიდენციის ციკლზე – „სუბტროპიკული კულტურები“ (2020-2021).  

2017 წელს წარდგენილი იყო ახალგაზრდა კურატორების საერთაშორისო კონკურსზე იტალიაში – GAMeC, Premio Lorenzo Bonaldi per l’Arte – EnterPrize.   

2018 წლიდან ელენე კაპანაძე თანამედროვე ხელოვნების გალერეა The Why Not Gallery-ის თანადამფუძნებელია.

2020 წელს გაიმარჯვა პროექტ Forbes 30 under 30-ის ნომინაციაში – „კულტურა და სტილი“.

ათა ჯანგულაშვილი |ადმინისტრაციული მენეჯერი

ათა ჯანგულაშვილი სამართალმცოდნეა. კერძო ბიზნეს სამართალში დაცული აქვს თბილისის სახელმწიფო უნივერსიტეტის ბაკალავრისა (2009–2013) და ილიას სახელმწიფო უნივერსიტეტის მაგისტრის ხარისხები (2013–2015).

გავლილი აქვს სახელმწიფო შესყიდვების პრაქტიკული და თეორიული კურსები სსიპ სახელმწიფო შესყიდვების სააგენტოში და ევროპის აკადემიურ ცენტრში, ასევე, უძრავი ქონების, სამეწარმეო რეესტრის და ადვოკატირების ტრენინგები.

საჯარო სექტორში, იურიდიული, ფინანსური, შესყიდვებისა და ადმინისტრაციის მიმართულებით 10 წლიან პრაქტიკასთან ერთად, მიღებული აქვს მმართველ პოზიციაზე მუშაობის 6 წლიანი გამოცდილება.