საჯარო სკოლა № 71, ნატო ბაგრატიონი

ყვავილები ყველასთვის ხელმისაწვდომია

 გლდანის 71-ესაჯარო სკოლა

თბილისის საჯარო ხელოვნების ფონდის კონკურსში „საჯარო სივრცეში დროებითი პროექტების ხელშეწყობა, ქ. თბილისი, ა. გობრონიძის 1“ გამარჯვებულის პროექტის „ნატო ბაგრატიონი, ყვავილები ყველასთვის ხელმისაწვდომია“ ფარგლებში ხელოვან ნატო ბაგრატიონთან ერთად შედგა გასართობ-საგანმანათლებლო გაკვეთილების ციკლი.

პროგრამის მიზანი იყო გლდანის უბნის სასკოლო საზოგადოებისთვის მხატვრის ნამუშევრის გაცნობა შემოქმედებითი და საინტერპრეტაციო მუშაობის გზით და ამავდროულად, არაფორმალური განათლების მეთოდების შეტანა დაწყებითი საფეხურის ხელოვნების გაკვეთილზე.

ნამუშევრის სათაურიდან გამომდინარე აქცენტი მცენარეეებზე - ოთახების, აივნების, ეზოების, ტროტუარების - ქალაქის ყვავილებსა და სხვადასხვა სავარჯიშოებით ყვავილებთან ურთიერთობის გამოცდილებებზე იყო; ყვავილებზე, რომლებიც ქალაქში მოსიარულე ადამიანისთვისაც თავშესაფრად იქცევა. შეხვედრის ბოლო, და ყველაზე ხანგრძლივი ნაწილი პრაქტიკულ მუშაობას დაეთმო და დაწყებითი კლასების მოსწავლეებთან ერთად ხელოვანმა შერეული მასალით სხვადასხვა ბაღები ააშენა.

შეხვედრებს სკოლის ვიზუალური ხელოვნების მასწავლებელიც ესწრებოდა. მოსწავლეებთან მუშაობასთან ერთად, განსაკუთრებით საინტერესო და მნიშვნელოვანი მასწავლებლებთან პროგრამის შესახებ საუბარია - მათი აზრის, შეფასების მოსმენა და გამოცდილების გაზიარება.